José Antonio Caride Gómez

Breve CV

Doutor en Filosofía e Ciencias da Educación (Pedagoxía) pola Universidade de Santiago de Compostela (USC), da que é Catedrático de Pedagoxía Social no Departamento de Pedagoxía e Didáctica da Facultade de Ciencias da Educación. Foi o Comisionado da USC para o proxecto “Campus da Cidadanía”, nas áreas de Ciencias Sociais e Xurídicas, Artes e Humanidades. Dirixe o Grupo de Investigación “Pedagoxía Social e Educación Ambiental” (SEPA-interea) e a Rede de Grupos de Investigación en Educación e Formación para a Cidadanía e a Sociedade do Coñecemento (RINEF-CISOC). As súas liñas de investigación e publicacións vincúlanse a: “Pedagoxía Social, desenvolvemento comunitario e iniciativa cívica”, “Tempos educativos e sociais”, “Educación Social, Cidadanía e Dereitos Humanos”, “Educación Ambiental, cultura da sustentabilidade e desenvolvemento humano”. De 2002 a 2013 presidiu a Sociedade Iberoamericana de Pedagoxía Social (SIPS), da que é membro fundador. Autor de máis de 450 publicacións en libros, monografías, revistas especializadas, etc. recibiu varios premios e recoñecementos ao seu labor docente e investigador: “Premio Extraordinario de Doutoramento” (1983); “Orde ao Mérito Institucional” do Consello Mundial da Educación-World Council For Curriculum and Instruction (2004), Insignia Fonseca da USC (2018), Sarmiento de Honra da Facultade de Ciencias da Educación da USC (2019) ou o IX Premio de Investigación José Manuel Esteve, concedido pola Universidade de Málaga (2019).