Miguel Ángel Santos Rego

Breve CV

É Catedrático de Universidade, na Universidade de Santiago de Compostela (Facultade de Ciencias da Educación). Foi Vicerreitor de Profesorado e Director do Instituto de Ciencias da Educación (ICE) na Universidade Compostelá, ademais de membro do Consello Escolar de Galicia, avaliador da National Science Foundation (USA), Presidente do Comité de Ciencias Sociais na Axencia Andaluza do Coñecemento, (2016-2020) e Presidente da Comisión Galega de Informes, Avaliación, Acreditación e Certificación (CGIACA) da Axencia Galega para a Calidade do Sistema Universitario de Galicia (ACSUG). Desde 2016 é o director do departamento de Pedagoxía e Didáctica da USC. Dirixiu 25 teses de doutoramento e 20 proxectos de investigación de convocatoria competitiva de I+D+i). Publicou 35 libros e uns 200 artigos en revistas de acreditada solvencia e impacto internacional. Coordina o Grupo de Investigación ESCULCA (Grupo de Referencia Competitiva), a Rede RIES e unha Rede de Excelencia do MINECO. En 2008 foille concedido o Primeiro Premio Nacional de Investigación Educativa. Conta con 6 sexenios de investigación aprobados pola Comisión Nacional de Avaliación da Actividade Investigadora (CNEAI).