Logotipo Universidade de Vigo

Recursos materiais e servizos

Os doutorandos deste programa de doutoramento teñen acceso aos recursos materiais e de apoio dispoñibles nas cinco universidades. As mesmas puxeron ao dispor do estudantado os medios materiais e servizos necesarios para o seu desenvolvemento tanto a través das facultades implicadas, como desde as distintas escolas e institucións de Doutoramento propias de cada universidade (EIDO; EDUC; EIDUDC; CIP-UOV, e EDIUS). Así mesmo, as facilidades e infraestruturas dos grupos de investigación implicados puxéronse ao dispor do estudantado cando estes requiren os seus apoios, recursos e espazos.

Recursos UVigo

  • Acceso a recursos institucionais materiais e virtuais da UVigo nos tres campus (Ourense, Pontevedra e Vigo), tanto centralizados como en facultades, escolas e institutos e centros de investigación (espazos, equipamentos, laboratorios etc.).
  • Infraestrutura dixital e de conectividade: identificador persoal, correo institucional, wifi en campus, disco virtual, aloxamento web, servizo DNS, servizos audiovisuais, videoconferencia (tradicional e masiva, AccessGrid) e UVigo-TV.
  • Plataformas de teledocencia: MOOVI e Campus Remoto.
  • Recursos de comunicación e divulgación: UVigo-TV, reservas de espazos institucionais, redes sociais.
  • Biblioteca universitaria: recursos de información, espazos de estudo e servizos de apoio á docencia e investigación.
  • Recursos financeiros: bolsas e axudas, contratos de carreira investigadora e apoios á mobilidade.
  • Recursos ligados á produción científica e á transferencia: portal da investigación, Oficina de I+D e servizos de difusión.
  • Recursos formativos e de desenvolvemento profesional: servizos lingüísticos, supervisión e mentoría, formación continua.
  • Recursos propios da EIDO: sede, medios materiais e humanos, recursos de financiamento propios segundo o seu Regulamento de Réxime Interno.

Recursos UC

  • Recursos materiais e servizos xerais da UC para doutorandas e doutorandos, incluídos os servizos da Escola de Doutoramento e dos centros implicados no programa.
  • Convocatoria propia de axudas para contratos predoutorais (que se suman ás estatais do Ministerio de Ciencia, Innovación e Universidades).
  • Programas e axudas complementarias (p. ex., bolsas e axudas para estadías de investigación de curta duración, proxecto Ingenium, outros programas competitivos de financiamento para mobilidade e estadías).

Recursos UDC

  • Recursos materiais e servizos xerais da UDC: Unidade Universitaria de Atención á Diversidade, Servizo de Asesoramento e Promoción do Estudante, Biblioteca da UDC, Aula de Formación Informática, Centro de Linguas, Oficina de Relacións Internacionais, entre outros servizos de apoio e orientación ao estudantado.
  • Escola Internacional de Doutoramento da UDC (EIDUDC): espazos propios no Pavillón de Estudantes (despachos de xestión, aula para 60 persoas equipada con videoconferencia para reunións de órganos colexiados e actividades formativas), recursos humanos e materiais para a xestión do doutoramento.
  • Facultade de Ciencias da Educación (UDC): laboratorios de investigación con postos de traballo e equipamento suficiente para os grupos do programa, aulas de informática, espazos para reunións e biblioteca con sala de estudo.
  • Colaboración do Centro Universitario de Formación e Innovación Docente (CUFIE) para cursos de formación transversal dirixidos ao estudantado de doutoramento.
  • Apoio do persoal de administración e servizos do centro ao que está adscrito administrativamente o programa.

Recursos USC

  • Recursos materiais e servizos xerais da USC: servizos centrais, facultades, escolas ou centros onde se realizan as actividades, e recursos dos grupos de investigación vinculados ao programa.
  • Escola de Doutoramento Internacional (EDIUS): recursos humanos e materiais propios, persoal de administración e servizos, e apoio ao profesorado coordinador de programas.
  • Biblioteca universitaria (todas as bibliotecas de centro, Biblioteca Xeral, Biblioteca Concepción Arenal, Biblioteca Intercentros Campus Terra): fondos bibliográficos para docencia e investigación, salas de lectura, hemeroteca, revistas electrónicas, bases de datos especializadas e acceso ao Consorcio de Bibliotecas de Galicia (BUGALICIA).
  • Servizos de xestión e apoio vinculados á EDIUS: Servizo de Xestión Académica (SGA), Servizo de Xestión e Programación da Oferta Académica (SXOPRA), Oficina de Movilidad, área de Calidade e Mellora de Procedementos (ACMP), Oficina de Investigación e Tecnoloxía (OIT).

Recursos UOV

  • Recursos materiais xenerais da Universidade de Oviedo dispoñibles a través das súas facultades, escolas e servizos universitarios (incluída a convocatoria anual competitiva de axudas para a realización de teses de doutoramento).
  • Servizos de apoio á mobilidade e a internacionalización: convocatorias específicas de mobilidade Erasmus KA131 para estudantes de doutoramento, axudas de mobilidade internacional de curta duración, bolsas de viaxe do Servizo de Xestión da Investigación, axudas para estadías no estranxeiro (por exemplo, axudas “José Castillo” para novos doutores).
  • Servizos de orientación profesional: Centro de Orientación e Información de Emprego (COIE).