Durante o seu período de formación de doutoramento o estudantado deberá acreditar a realización de actividades formativas por un total de 48 horas obrigatorias ao longo dos 3 anos (ou 5 en caso de estudantado a tempo parcial) participando nalgunha das propostas académicas que se relacionan a continuación:
| Actividade | Duración | Carácter | Descrición |
|---|---|---|---|
| Xornada de orientación | 4 horas | Obrigatorio 1 no 1º ano |
En sesión de mañá, o coordinador do programa organizará unha sesión informativa a través de vídeo conferencia no primeiro trimestre de cada curso académico que terá como finalidade dar a benvida ao novo estudantado así como facilitarlle detalles sobre a organización do programa. |
| Encontros con investigadores (ver datas) |
24 horas | Obrigatorio 2 x curso |
Cada encontro correrá a cargo dun IP do programa cun proxecto de investigación en activo, vinculado ás distintas liñas do programa. Este encontro ten como meta facilitar aos doutorandos o contacto con experiencias de investigación e investigadores. |
| Reunión científica interuniversitaria de xóvenes investigadores (ver datas) |
8 horas | Obrigatorio 1 en total |
Anualmente organizarase polo menos un seminario de investigación que servirá como foro de intercambio de traballos realizados polo estudantado do programa. |
| Seminarios monográficos (ver datas) |
12 horas | Obrigatorio 1 x curso |
Anualmente organizarase un seminario monográfico coa participación dun investigador nacional ou estranxeiro de recoñecido prestixio que aborde algunha das liñas ou subliñas específicas de investigación identificadas no programa de doutoramento. |
| Participación en congresos científicos | 30 horas | Optativo | Os doutorandos participarán naqueles congresos e xornadas nacionais e internacionais, recomendados pola CAPD, presentando comunicacións e/ou posters. Cada ano o programa de doutoramento fará público a listaxe de congresos que se recomendarán, incluíndo congresos nacionais e internacionais. |
| Estadías de investigación | 240 horas | Optativo | Recomendarase e animará aos doutorandos a realizar estadías formativas de investigación nas distintas universidades participantes no programa de doutoramento ou noutras universidades nacionais ou estranxeiras, a fin de mellorar e ampliar a súa formación investigadora e o coñecemento de liñas e tendencias no ámbito de estudo ao que se refire a súa tese de doutoramento. |
Actividades presenciais 2025/2026
Encontros con investigadores
Encontros con investigadores 2025/2026
XI Reunión Científica Interuniversitaria de Xóvenes Investigadores
Universidade de Vigo (campus de Ourense): 24, 25 e 26 de abril de 2026.
Seminario Monográfico
Universidade de Vigo (campus de Ourense): 25 de abril de 2026.